Brúðkaupsupptaka

Fullkomna daginn

Brúðkaupsdagurinn er mikilvægasti dagur í lífi hjóna. Til að fullkomna þá minningu og deila með öðrum er nauðsynlegt að geyma minninguna á myndská sem hægt er að geyma á öllum gerðum netsvæða (youtube, facebook o.s.frv.) eða diski DVD / Blu ray.  Í flestum tilvikum taka ættingjar upp slíkan atburð, en oftar en ekki er bæði upptakan og frágangur ófullnægjandi.  Því er full ástæða til að skoða þann möguleika að fá reyndan aðila með réttan búnað til taka daginn upp.

Metnaðarfull upptaka

Tekið er upp með fjórum háskerpu upptökuvélum ásamt fullkomnum hljóðbúnaði.  Þannig næst öll athöfnin og ekkert vantar uppá.  Útkoman verður miklu líkari sjónvarpsútsendingu en einfaldri upptöku.  Það er minn metnaðar að umfang í kringum upptökuna dragi ekki athygli frá sjálfri athöfninni.  Með því að nota fleiri upptökuvélar þarf aldrei að fara með upptökuvél ofan í brúðhjón eða gesti.  Þannig truflar ekki hlaupandi upptökumaður athöfnina og athyglin er aðeins á brúðhjónunum.

Háskerpu upptaka

Allt myndefni er tekið upp í háskerpu og myndefnið unnið sem slíkt í klippitölvunni sem skilar sér í fjórfaldri upplausn miðað við hefðbundna upptöku.  Munurinn á upptökunni er vel sjáanlegur á tölvuskjám, spjaldtölvum og 50" sjónvarpi eða stærra.  Með því móti fást hámarksgæði.

Undirbúningur, vinna og frágangur

Mætt á æfingu fyrir brúðkaupsdaginn til að undirbúa brúðhjón, prest eða athafnastjóra fyrir upptökuna. Athugað hvar best er að setja upp tæknibúnað til að búnaðurinn hafi sem minnst áhrif á sjálfa athöfnina.
Athöfnin er tekin upp með fjórum upptökuvélum ásamt sérstökum hljóðupptökubúnaði.  Í sumum tilvikum er bætt við viðbótar tökumanni ef það reynist nauðsynlegt.
Brúðhjón geta valið hvort að veislan eftir brúðkaupið sé tekin upp gegn viðbótar gjaldi.  Hægt er að velja um tvær mismunandi útfærslur af því.
 

Grunnverð:
Innifalið í verði er mæting á æfingu, háskerpu myndskrá með Dolby Digital hljóð og breiðtjaldsupptöku 16:9.  Tekið upp á þrjár til fjórar HD upptökuvélum ásamt fullkomnu hljóðupptökukerfi.  Verð miðast við mætingu á stór höfuðborgarsvæðinu. Myndefni skilað á HD skráarformi eftir þörfum kaupanda.
Upptaka af sjálfri athöfninni og allt innifalið 64.000,- Hægt er að streyma frá athöfninni þar sem næst netsamband eða 4G samband. Gera þarf ráðfyrir lengri undirbúningstíma fyrir uppsetningu búnaðar. Streymi og upptaka kosta samtals 94.000,-

Upptaka af veislu eftir brúðkaup:
Upptaka fyrstu 2 - 3 klst. af veislunni með helstu atriðum, þá bætist 25.000,- við grunnverð

Upptaka af undirbúningi og allann daginn:
Upptaka af undirbúningi og allann daginn.  Efnið sem sýnt er í veislunni klippt inn á diskinn eins og powerpoint show, ljósmyndir, steggja/gæsa upptökur o.s.frv.
Innifalið er glæsilegt 5 mín myndband sem hægt að setja á Youtube, Facebook o.s.frv.
Samtals 65.000,- í viðbót við grunnverð.

Viðbótarmöguleikar:
DVD diskur kostar 2.500,- 
Blu ray diskur kostar 3.500,-